صناع الحياة
مرحبا بكم فى مشروع حلمى وحلمك...يسعدنا انضمامك الينا ومشاركتك معنا فى مشروعنا
للتعرف على المشروع يرجى زيارة قسم "تعرف على المشروع"

صناع الحياة

ورشة عمل مشروع حلمي و حلمك
 
الرئيسيةالبوابةاليوميةالتسجيلدخول

شاطر | 
 

 اسلم لان الشاب لم ينظر لابنته

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
بنت الاسلام
عضو فعال
عضو فعال


انثى عدد المساهمات : 176
تاريخ التسجيل : 09/09/2009
البلد : في اي مكان

مُساهمةموضوع: اسلم لان الشاب لم ينظر لابنته   الإثنين مارس 08, 2010 3:01 pm

السلام عليكم ورحمة الله وبركاته



نماذج الناس اللي أسلموا بسبب القدوة كثيرة جدا...

- أحد المسلمين من المانيا.. بيحكي قصة اسلامه..

ماكانش سببها انه سمع خطبة أو قعد مع حد من الدعاة أو العلماء و اتكلم معاه.. لأ..

جاله طالب مسلم.. من بلد عربي.. بيدرس في جامعة ألمانية.. و سكن عنده في البيت.. أجر غرفة عنده..

و الراجل صاحب البيت عنده بنت شابة.. جميلة.. سنها مقارب لسن الشاب ده..

فالراجل كان متوقع مشاكل..

و لكن حصلت حاجة غريبة قوي.. حيرته..

عمره ماقدر يظبط الشاب ده بيبص حتى لبنته..

كل ما يتصادف انه يقابلها أو تعدي من قدامه.. يلاقيه بيبص في الأرض.. يغض بصره..

فاستغرب جدا..

شاب في ريعان الشباب.. ساكن لوحده.. و ساكنه معاه في نفس البيت فتاة جميلة .. و مافيش أي حاجة تمنعه من انه يتكلم معاها على الأقل..

و بالرغم من كل ده.. حتى النظر.. مابيبصلهاش..

قعد يفكر في الموضوع.. فما قدرش يستوعبه..عقله مش قادر يعمل

processing للمعادلة دي ..
فجت مناسبة.. فتح فيها الموضوع مع الشاب.. و ناقشه.. و استفسر منه..و انتهى النقاش بإسلام الشخص ده


سبحان الله.. كلمة تتكتب بماء الذهب..

"استقيموا.. يستقم بكم"





القصة التانيه//




جفري لانج ..دكتور أمريكي.. متخصص في الرياضيات.. شخص عبقري جدا بصورة غير عادية.. لدرجة انه لما كان طالب.. كان أستاذه في الجامعة يقول له

يابني.. اقعد في البيت.. و هاديك الدرجة كاملة .. لأنه كان و هو شغال معاه في المحاضرة.. بيسأله أسئلة مابيعرفش يجاوبها.. فعلشان يوفروا على نفسهم الحرج..

قالوله يا عمي اقعد في بيتك.. و احنا خلاص بصمنالك بالعشرة..


عبقري صحيح.. لكنه ملحد..

و كمل دراسته.. و أخد الدكتوراه.. و بقى استاذ في نفس الجامعة اللي كان بيدرس فيها..

و في يوم.. جت له طالبة بتحضر درسالة الدكتوراه.. عشان يشرف على رسالتها..

طالبة مسلمة..

فشاف قدامه نموذج غريب عليه جدا.. أول مرة يشوفه..

شابة.. جميلة.. محجبة حجاب كامل.. و في عز أيام الصيف.. و البنات في أمريكا واخدين راحتهم في الصيف..

فقال في نفسه.. الإنسانة دي لابد انها على دين عظيم.. صاحبة مبدأ.. صاحبة رسالة.. و ده اللي خلاها تخالف كل البنات اللي في الجامعة..

جفري لانج بيحكي.. بيقول والله ماقدرت ابص في وشها.. كان ليها هيبة.. و لقيت نفسي مندفع تماما لمساعدتها..

بيقول.. في نفس اليوم.. بحث عن نسخة مترجمة من القرآن.. عشان يدرسها.. و بدا يقرأه فعلا.. و لكن بيقرأه على اساس انه كتاب من تأليف "محمد بن عبد الله"..

و ليس على انه كلام الله..


فكان بيقرأ قراءة نقدية.. بيدور على أخطاء.. لغاية ماوصل لقول الله تعالى :

( فَالْيَوْمَ نُنَجِّيكَ بِبَدَنِكَ لِتَكُونَ لِمَنْ خَلْفَكَ آَيَةً وَإِنَّ كَثِيرًا مِنَ النَّاسِ عَنْ آَيَاتِنَا لَغَافِلُونَ (92)( سورة يونس الآية : 92 ) .

قالك وقف هنا.. وآدي أول غلطة..

فاتصل بصديق له.. عالم فرنسي.. أسلم برضه اسمه "موريس بوكاي".. قال له فرعون مات غرقان في البحر الأحمر.. يبقى ازاي القرآن بيقول "فاليوم ننجيك

ببدنك"؟..


فقال له.. فرعون اللي اتكلمت عنه الآية.. انا رممت المومياء بتاعته بإيدي.. و هي موجودة في المتحف المصري دلوقت..

فأسلم جفري لانج.. و أصبح من أكبر الدعاة في أمريكا..

..(( اِسْتَقِيمُوا يُسْتَقَمْ بِكُمْ




الرجوع الى أعلى الصفحة اذهب الى الأسفل
アリーサン
عضو مميز
عضو مميز


ذكر عدد المساهمات : 693
تاريخ التسجيل : 09/11/2009
البلد : خلف الكواليس

مُساهمةموضوع: رد: اسلم لان الشاب لم ينظر لابنته   الثلاثاء مارس 09, 2010 4:15 am

مااااااااشاء الله ماااااااااااااااااشاء الله نماذج مشرفه

ومواضيعك دائماً ماتكون مفيدة

وممتعة

بارك الله فيكي وان شاء الله تتجفينا باللواح الابداعية اللي بترسميها في الورشه دي
الرجوع الى أعلى الصفحة اذهب الى الأسفل
بنت الاسلام
عضو فعال
عضو فعال


انثى عدد المساهمات : 176
تاريخ التسجيل : 09/09/2009
البلد : في اي مكان

مُساهمةموضوع: رد: اسلم لان الشاب لم ينظر لابنته   الثلاثاء مارس 09, 2010 5:54 am

السلام عليكم ورحمة الله وبركاته
شكرا جزيلا لك اخي العزيز علي مرورك وقرائتك للموضوع
وشكرا جزيلا لتشجيعك
الرجوع الى أعلى الصفحة اذهب الى الأسفل
 
اسلم لان الشاب لم ينظر لابنته
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
صناع الحياة :: 0°حلمـي و حلمــك0° :: قسم المراجع :: حاجات تفيدنا-
انتقل الى: